Mwenyekiti wa mtaa azua kizazaa

Baadhi ya wananchi wa mtaa wa S.D.A uliopo kata ya isamilo jijini mwanza wamesema wako njia panda kutokana na kutojua sababu za kujiuzuru kwa mwenyekiti wa mtaa huo.

Wananchi hao wamesema hali hiyo imewaathiri kutokana na kumtegemea kwa kiasi kikubwa katika shughuli za mtaa wao.

Wameongeza ni vyema angeweka wazi jambo lililomfanya kuachia madaraka hayo .

Kwa upande wake kaimu mwenyekiti wa mtaa huo amesema sababu kubwa iliyomfanya kuachia madaraka ni kutokana na kuhama makazi na kupata ajira katika eneo jingine.

Kukosekana kwa wenyeviti wa mitaa katika baadhi ya maeneo kumeelzwa kurudisha nyuma maendleo ya mitaa hiyo.