AVRIL AKANUSHA KUWA NA MAPENZI YA PESA

  Msanii wa muziki kutoka Kenya Avril Nyambura amesema pesa haikumfanya akubali kuwa na mchumba mfanyabiashara tajiri wa Afrika kusini na badala yake ni mapenzi tu aliyo nayo.

Msanii huyu ametoa kauli hii kufuati uvumi uliosambaa nchini humo kuwa ameamua kuwa na huyo mchumba wake kwa sababu ya utajiri alio nao mfanya biashara huyo.

Akinukuliwa msanii huyu amesema "tumefahamiana muda mrefu kama ni kuhusu pesa ningekuwa naendesha Range Rover mwaka huu na nisingekuwa naishi south B.He is amazing na sijali kile watu wasemacho"

Hivi sasa imedaiwa kuwa msanii huyo pamoja na mchumba wake wako mjini Mombasa kwa ajili ya kusherehekea sikukuu ya Chrismas na wakijiandaa kuelekea Afrika kusini kwa ajili ya kusherehekea sikukuu ya mwaka mpya.

Hata hivyo imeripotiwa kuwa ndoa ya watu hawa haitofanyika hivi karibuni kutokana na kutofautiana tamaduni na mila na hivyo kuna utaratibu wataufanya.