Mwanza walia na wanaoachiliza watoto nyakati za sikukuu

Serikali imeombwa kutengeneza utaratibu au kupiga marufuku watoto wanaoingia mitaani kusherehekea sikukuu bila usimamizi wowote na kusababisha ajali kwa watoto hao.

Imekuwa ni awaida katika kila siku kuu kuwaona watoto wakisherehekea katika maeneo mbalimbali ya miji ikiwemo jiji la mwanza katika mzunguko wa samaki na maeneo mengine.

Hata hivyo badhi ya watoto hao wanaonekana kutokuwa na usimamizi wa kutosha hali inayowaweka katika hatari ya kukumbwa na madhara mbalimbali ikiwemo ajali jambo linalowafanya wakazi wa jiji la mwanza kuomba hata kuzuiwa kwa utaratibu huo.

Naye afisa wa polisi kitengo cha usalama barabarani wilaya ya nyamagana mkoani mwanza koplo jeremia makolomu anasema wazazi wanatakiwa kuongeza umakini zaidi kwa kuwa huwapa kazi ya ziada katika kuwasaidia watoto hao.