Licha ya uwepo wa ziwa Victoria bado wakazi wa Mwanza walia na maji

Mamlaka ya maji safi na usafi wa mazingira katika jiji la mwanza imetakiwa kuboresha huduma zake ili kuondoa malalamiko ya kukatika kwa maji mara kwa mara.

Mji wa mwanza ni moja kati ya miji iliyopata bahati ya kuzungukwa na ziwa victoria ,ziwa linalotajwa kufika hata katika nchi jirani kama kenya na uganda.

Hata hivyo baadhi ya wakazi wa mji huu wanasema licha ya kuzungukwa na ziwa hilo bado haijawa tiba ya kuwaondolea kero ya uksefu wa maji na kuiomba mamlka ya maji safi kuweka nguvu zaidi katika kutatua kero za maji.

Kaimu afisa uhusiano wa mamlaka hiyo jijini Mwanza Bw. Oscar Tuwakazi alisema wapo katika mpango wa kuboresha huduma zao na kuwafikia watu wengi zaidi.

“tayari tumeshawasiliana na Tanesco na wametushauri tongeze vituo vya kusambaza maji na wao watatuunganishia umeme ambao hata kama kuna mgao hautakkatika katika vituo hivyo” alisema Tuwakazi.