Muuza mchanga aliyepoteza maisha katika kilab cha pombe za kienyeji kisa mke wa mtu

Mwanaume mmoja muuza mchanga amepoteza maisha kwa kuchomwa kisu shingoni na kifuani katika kilabu cha pombe za kienyeji mkoani mwanza baada ya kuhisiwa kutembea na mke wa mtu.

Tukio hilo limetokea tarehe thalathini katika kilabu kinachojulikana kama JRC mtaa wa Iloganzala wilaya ya Ilemela mKoani humo ambapo mwanaume huyo ametajwa kuwa ni mkazi wa Butuja mkoa wa Mwanza.

Habari zaidi zinasema mwanaume aliyefanya tukio hilo Pius Paschal alimtuhumu mrehemu kuwa alikuwa katika uhusiano wa kimapenzi kwa muda mrefu na mkewe Veronica Jonas (33) hali iliyowatenganisha tangu august 2015 ambaye naye alikuwepo kilabuni hapo.

Baada ya ubishani Pius aliamua kumchoma kisu marehemu huyo na kupoteza maisha papohapo huku mwanaume mwingine aliyejaribu kuamua ugomvi huo Nchama Wanda akichomwa kisu tumboni na utumbo wake kutoka kisha kukimbizwa hospitali ya Bugando kwa matibabu zaidi.

Tayari jeshi la polisi linamshikilia mwanamke anayedaiwa kusababisha ugomvi huo huku likiendelea kumsaka mwanaume aliyetekeleza mauaji hayo.