SwahiliHabari

AFANDE SELE :

MUZIKIUNAKUA,WASANII WANASHUKA

Msanii wa bongo fleva aliyewahi kuwa mfalme wa Rhymes hapa bongo Suleiman Msindi au Afande sele amesema wakati muziki wa bongo ukipanda wasanii wa muziki huo wanashuka.

Msanii huyu amesema kiwango cha muziki nchini kinazidi kukuwa kwa maana ya kupata nafasi zaidi katika jamii ukilinganisha na mwanzo wakati muziki huo ukionekana wa kihuni.

Ameongeza hivi sasa wasanii wanapata nafasi ya kufanya kazi na wasanii wa nje na kupata mafaniko ukilinganisha na mwanzo ambapo wasanii walilipwa pesa kidogo na hawakuwa wakifahamika sana nje.

Ameeleza tatizo lililopo katika muziki huu kwa sasa ni kuwa wasanii wanashuka kiuandishi kwa maana ya kuandika mashairi mepesi ukilinganisha na nyuma ambapo walitumia akilizaidi katika uandishi wa nyimbo zao.

Msanii huyu amewahi kutamba na nyimbo kama Darubini,Watu na pesa Acha kupiga mayowe na nyingine nyingi na ni mmoja kati ya wasanii wakongwe wanaoheshimika kwa utunzi na uandishi wa mashairi.