SwahiliHabari

SAJNA: NEY WA MITEGO ANAUFAHAMU

WIMBO WA  "MPIRA GANI"

Msanii wa Bongofleva Sajna aliyewahi kutamba na nyimbo kama Iveta sitaki kuumizwa na nyingine nyingi amesema wimbo wa MPIRA GANI aliyotumia style na melody ya wimbo wa Muziki gani,mmiliki wake anaufahamu.

Akizungumza mwishoni mwa wiki hii msanii huyu alisema kabla ya kuufanya  wimbo huo alimtaarifu Ney ambaye ndiye mmiliki na kuruhusiwa kuufanya kwa ajili ya mashabiki.

Amesema watu wamekuwa wakidhani kuwa alikurupuka bila kutoa taarifa na hivyo amewaomba waelewe hivyo na endapo kukitokea hawataamini ni ruksa kumtafuta Ney na kumuuliza.

Akizungumzia kwanini ameamua kutumia style na melody ya wimbo huo amesema ilitokana na mapendekezo yaliyotolewa na watu wake wa karibu ambao walimshauri afanye hivyo kama zawadi kwa mashabiki na haikuwa kwa ajili ya kuuachia kama ilivyo sasa.

Sajna amesema hivi karibuni anatarajia kuachia rasmi ngoma mpya ambayo ilipangwa kutoka kabla ya MPIRA GANI

“kuna wimbo ambao natarajia kuuachia hivi karibuni nimewashirikisha Ben Pol na C- sir Madin kwa hiyo mashabiki wakae yatari kunipokea” alisema Sajna.