SwahiliHabari

KAJALA AKANUSHA KUGOMBANA NA

WEMA SEPETU

Wema na Kajala

 

Siku chache baada ya baadhi ya magazeti na bolgs kuripoti kuwa hivi sasa hakuna mahusiano mazuri kati ya wasanii Kajala na Wema Sepetu mmoja wa wasanii hao amekenusha habari hizo.

Msanii huyo anayejulikana kwa jina la Kajala amesema taarifa hizo hazina ukweli wowote.

Msanii huyu amedai kuwa hakuna ugomvi wowote kati yao na kuwa hamna sababu ya kugombana nae kwani amekuwa msaada kwake na hivyo hajui habari hizo zimetoka wapi.

“Unajua mi nashangaa sana watu wanatoa wapi maneno wanayoandika, mimi sina tatizo na Wema, wala siwezi kuwa na tatizo naye, wema amekuwa msaada mkubwa kwangu, sa sijui nitagombana nini na wema, huo ni uzushi tuu jamani, muwe mnatuuliza kabla ya kuandika” Alisema kajala

Juhudi za kumtafuta Wema kuzungumzia swala hili bado zinaendelea.

Hivi karibuni kuliripotiwa kuwa wawili hawa hawaelewani kutokana na Wema kumbania Kajala kupiga dili mbali mbali ikiwemo ile ya kwenda nchini China.

Itakumbukwa hivi karibuni Wema alitoa kiasi cha shilingi million kumi na tatu kwa ajili ya kumnusuru Kajala kufungwa gerezani.