SwahiliHabari

MSANII JB KUINUA WASANII WADOGO

Msanii kutoka Bongo movie Jacob Steven au JB amesema ana mpango wa kuwainua wasanii wanaochipukia.

Akizungumza mapema wiki hii msanii huyu amesema yeye na kampuni ya Jerusalem wamefikia uamuzi huo baada ya kuona kuna watu wana vipaji na wanahitaji kusaidia hivyo yeye ameona kuna haja ya kufanya hivyo.

“sisi Jerusalem company tunajua Mungu alipotuweka alituweka ili tushike watu wengine mikono na mpaka sasa hivi nime sign kwenye contract yangu filamu za aina mbili. Kuna filamu ambazo mimi nitashiriki na kuna zingine sitoshiriki kabisa nita direct na ku produce nita tupa ela kuzifanya hizo film kwa ajili ya hawa under grounds” alisema JB.

Jb aliongeza zaidi kuwa kuanzia mwakani atakuwa akitoa filamu tatu ambazo atazicheza yeye mwenyewe na nyingine kumi atakazotoa zitachezwa na wasanii wengine wadogo huku yeye akizisimamia.

Katika kipindi cha miaka ya hivi karibuni Jb amekuwa ni mmoja wa wasanii wa filamu wa kubwa hapa nchini na wanaokubalika kutokana na uchezaji wao wa filamu na ni mmoja kati ya wasanii waliopata tuzo mwaka huu kupitia movi inayojulikana kwa jina la Nakwenda kwa Mwanangu aliyocheza na msanii wa vichekesho King Majuto huku mzee huyo kuchukua tuzo ya mchekeshaji bora kwa kupitia movi hiyo.

Tuzo nyingine aliyoipata ni muigizaji bora wa kiume katika tuzo zilizoandaliwa na kampuni ya steps.