JOKATE

ALIYEJIFANYA JOKATE AKAMATWA

Mpeka,kijana anayedaiwa kutumia jina la Jokate

 

 

Mwanaume mmoja aliyekuwa akitumia jina la Jokate katika mitandao ya kijamii na simu kuwasiliana na watu amekamatwa na polisi jijini Dar es salam.

 

Habari zinasema mtu huyo alikamatwa baada ya kutangaza kuwa Kidoti hair na Mzinga Planet wanahitaji mamodo kwa ajili ya kutengeneza matangazo kwa ajili ya nywele za kidoti.

 

Baada ya taarifa hizo msichana mmoja aliyewahi kushiriki miss morogoro 2003 (jina tunalo ) aliwasili katika mzalendo pub kama taarifa zilivyokuwa zikieleza tayari kwa usaili.

 

Cha ajabu dada huyo alipofika hapo hakukuta mtu na kuamua kumpigia mtu wa karibu wa Jokate aliyefahamika kwa jina moja la  Johnson ambaye alionesha kushangazwa na taarifa hiyo na kuamua kumtafuta Jokate mwenyewe ambaye alifika muda mfupi baadae.

 

Imeelezwa baada ya kuwasili waliwakuta majaji wa usaili huo ambao walisema hawajui chochote juu ya kutumiwa jina la kidoti bila ruhusa na ndipo walipomtafuta muhusika aliyefahamika kwa jina moja la Mpeka ambaye aliwasili eneo hilo na kuonesha kujikanyaga pindi alipoulizwa juu ya swala hilo

 

Baada ya muda kidogo Jokate na wenzie waliamua kuwaita polisi ambao walimtia mbaroni kijana huyo kwa ajili ya kufanya nae mahojiano juu ya kitendo alichofanya.