Diamond ajibu shutuma za Ali kiba asema anashangazwa na kinachoandikwa

Siku chache baada ya diamond kushutumiwa kumuandika vibaya msanii mwenzake ali kiba ameamua kuvunja ukimya na kuelezea hisia zake.

Kupitia ukurasa wake wa face book msanii huyo ameandika maelezo yanayoashiria kusikitishwa na shutuma hizo huku akiwataka wasanii kuacha kumzushia na badala yake kufikiria namna ya kuliletea taifa heshima kwa kutengeneza muziki mzuri.

Tazama alichokiandika hapo chini

diamond platnumz

 

“kiukweli, nasikitishwa sana jins baadhi ya wasanii kutwa wanavyolazimisha kunitengenezea ugomvi wa kilazima pasipo kuwa na sababu, mara wengine wakizusha eti nimewatusi kwenye media, mara sjui nimepost kuwakashif, yaani ilimradi tu....kwanini wanamuziki wa tanzania tunashindwa kubadilika... Mbona mi nahangaika na muziki wangu kimpango wangu... Mnasema nyie ndio mnaojua kuimba mie sijui "sinatatizo"... Mnasema nyie ndio wenye sauti nzuri yangu mbaya "sina tatizo"... Sasa mbona tena bado mnanifatilia na kutokujua kwangu... Nafkiri ni vyema mkaanza kutumia ujuzi wenu kukuza sanaa ya nchi yetu na kuleta heshima na maendeleo nchini, kuliko kupika majungu..... Watu wanataka kazi! Aliandika diamond.

Hivi karibuni msanii huyu amekuwa akihusishwa kuwa katika bifu na msanii ali kiba ambapo hadi hivi sasa kila mmoja ametajwa kumuandika mwenzie katika mitandao ya kijamii.