Masikini Lord Eyes

Msanii wa muziki wa bongo fleva nchini Tanzania anayetokea katika kundi la kampuni ya weusi aitwaye Lord eyes amesimamishwa na kampuni hiyo kwa tuhuma za wizi.

Msemaji wa kampuni hiyo Nick wa pili amesema wameamua kumsimamisha kwa kuwa amevunja utaratibu wa kampuni hiyo.

“Uamuzi wa kumsimamisha tumeufikia jana na leo ndio tumeamua kutangaza rasmi kwamba Lord Eyez tumemsimamisha kazi na amesimamishwa kutokana na misingi na makubaliano ya kampuni,kulingana na maadili ya kampuni yetu na mawazo yetu kwa pamoja ndio yamefanya tukamsimamisha. Kwahiyo ni kwamba tumemsimamisha kutokana na makubaliano ambayo yalifikiwa ndani ya kampuni ambayo mengine yatabakia ndani ya kampuni.”alisema Nick wa pili

Msanii Lord Eyes alidaiwa kushikliwa na polisi juma mosi iliyopita kwa tuhuma za wizi wa laptop aina ya Dell.

Habari zaidi zinasema kufuatia tukio hilo msanii wa kike Ray c ambaye ni mpenzi wa zamani wa Lord Eyes ameonesha kuchukizwa na tukio hilo alilolifanya msanii huyo.