Wafanya usafi jijini Mwanza hatarini kuathirika kiafya

Wafanya usafi wa barabara na madampo jijini mwanza wapo katika hatari ya kuathirika kiafya kutokana na baadhi yao kufanya shughuli hiyo bila ya kuwa na vifaa vinavyotakiwa.

Akizungumza na Afya radio bi Amina Almas mmoja wa wafanya usafi jijini humo alisema wengi wao wanakabiliwa na upungufu wa vifaa kama gloves,viatu vya usalama na vifaa vya kuzuia vumbi ambapo alieleza kuwa baadhi yao wanavyo na wengine bado hawajapatiwa.

Alieleza kuwa hulazimika kuzoa taka kwa mikono na vifaa visivyo rasmi kama ubao ambapo hukutana na changamoto ya kukutana na vinyesi na hata wanyama waliogongwa na vyombo vya usafiri.

Kwa upande wake Afisa afya wa jiji la Mwanza Bw. Danford Kamenya alisema wao kama wasimamizi wa masuala ya afya wanafanya jitihada za kuwabana mawakala wa usafi ambao ndio waajii wa wafanya usafi hao ili kufuata taratibu zinazotakiwa

Vilevile Bw. Kamenya aliwaomba wafanya usafi huo walio na vifaa kuvitumia na sio kuviacha nyumbani