Ufahamu mtaa usio na mwenyekiti na unategemea huruma ya mwenyekiti wa mtaa mwingine kwa miaka mitatu sasa

Wananchi wa mtaa wa miembeni b uliokuwa ukijulikana kama lidepu bugando jijini mwanza wanakabiliwa na kero mbalimbali zisizokuwa na kikomo kutokana na kukosa mwenyekiti wa kuongoza mtaa huo baada ya aliyechaguliwa kujiuzuru

Wananchi hao walisema hivi sasa hivi sasa wanategemea huruma ya mwenyekiti wa mtaa jiran kutatua kero zao ambapo naye wakati mwingine hushindwa kutokana na kuelemewa na shughuli za mtaa wake.

Mkazi wa mtaa huo aliyefahamika kwa jina moja la Boniventure alisema kukosekana kwa mwenyekiti katika mtaa huo kunawafanya wananchi hao kukosa sehemu ya kupeleka malalamiko yao na hivyo kero zao zikibaki bila ya kutatuliwa

Hivi karibuni naibu waziri ofisi ya waziri mkuu tawala za mikoa na serikali za mitaa tamisemi Agrey Mwanry akijibu swali bungeni alisema hakutakuwepo na uchaguzi katika sehemu ambapo kiongozi wake amejiuzulu badala yake kutafanyika uchaguzi kwa sehemu ambazo kiongozi aliye kuwepo amefariki

Mwenyekiti wa mtaa wa miembeni b  alijiuzuru miezi minane tu baada ya kuchaguliwa na kusababisha pengo katika mtaa huo ambalo limedumu kwa zaidi ya miaka mitatu bila kiongozi hali inayosababisha wananchi wa mtaa huo kukosa mahali pa kupeleka kero zao