Diwani awekwa rumande kwa kuhusisha kipindupindu na uchawi

Diwani wa kata ya Mtema wilaya ya Kyela mkoani Mbeya Veronica Kanyanhila amejikuta akiwekwa rumande kwa tuhuma za kupingana na serikali juu ya kipindupindu ambapo yeye anaunga mkono kuwa ugonjwa huo unatokana na imani za kishirikina.

Habari zaidi zinasema zaidi ya wakazi mia sita themanini wa kijiji cha Lusungo kilichopo katika kata hiyo wamekuwa wakijisadia vichakani hali inayopunguza kasi ya kukabiliana na ugonjwa huo.

Mkuu wa wilaya ya kyela Thea Ntara ameamuru kushikiliwa kwa diwani huyo akidai ameshindwa kusimamia usafi sambamba na kumtolea kauli mbaya pindi alipomuuliza juu ya swala hilo.

Kisa hicho kimetokea wakati mkuu huyo wa wilaya alipoembelea makazi yenye utata katika kata hiyo.

Naye fisa afya wa wilaya hiyo Godfrey Balosi amesema diwani huyo amekuwa akisimamia imani kuwa ugonjwa huo ni uchawi huku akishindwa kuhamasisha watu kujenga vyoo na kuweka mazingira katika hali ya usafi.