wakazi wa Igombe jijini Mwanza walichapwa viboko kwa kutumia barabara

 

Raisi Mafuli alipowasili uwanja wa ndege jijini Mwanza

Wakazi wa vijiji  vya ukanda wa Igombe na Kayenze wilayani Ilemela mkoani Mwanza wamesema kufunguliwa kwa baabara inayounganisha maeneo hayo na Mwanza mjini kupitia uwanja wandege kumesaidia sana kutatua changamoto ikiwemo swala la huduma za afya.

Kabla ya kufunguliwa kwa barabara hiyo wakazi hao walisema walihangaika kufikia huduma za afya kwa kuwa walilazimika kutembea umbali mrefu pia kupanda kwa nauli hli iliyowaweka katika wakati mgumu.

Mbali na hivyo wamesema walikabiliwa na adhabu mbalimbali ikiwemo vipigo kutokana na kutumia barabara hiyo.

Mkuu wa mkoa wa mwanza John Mongela amesema bada ya kukamilika kwa zoezi la kufungua barabara hiyo hivi sasa wanashughulikia swala la nauli.

Naye meneja wa wakala wa barabara (Tanroad) mkoa wa Mwanza injia Leonard Kadashi amesema tayari wamekwishaanza mpango wa kuikarabati barabara hiyo.

Kushughulikiwa kwa barabara hiyo kunaondoa malalamiko na adha za muda mrefu walizopata wakazi hao.